ROMANOS 3:9-13

⁹Co vate nchuhn che ra̱hco ne che uvo, ihyan nación yahn Israel che tahque ndah ihyan uvo va̱n nducoya̱ca ihyan iyehnse. Ate hua cua̱co chemin, te nducoya̱ca ihyan nación yahn Israel ma̱n, ihyan nación chena̱hn ma̱n ne, quendihconahn chendihco ye nunde nduhca̱ che a ndirun yahn ye,

¹⁰na̱n Ndudo yahn Dendiohs tuhca̱: Metah nde a̱ma ihyan che ndah ihyan ye.

¹¹Metah nde a̱ma ihyan che renahn ye. Metah nde a̱ma ihyan che reneca̱hco ye Dendiohs.

¹²Nducoya̱ca ye ne, chaconda̱h veda̱me ye Dendiohs, quendi ye yune chihnga̱. Metah nde a̱ma ihyan che runeca̱de ye.

¹³Dema̱n ndudo chihnga̱ ma̱n, ndudo rihncheh ma̱n, ndudo rendih ma̱n, rente ye.