9Epapedeme di Yu so dia꞉ tlo ka꞉ka꞉dle so depo ha꞉ha꞉mama po-Yu so tlo batalimale so depo ha꞉ha꞉ma꞉? Hao, pe-epapena. Epapele dulu dla na꞉tapo wua꞉ watle ma-atlamuwapo, Yu so mate epo po-Yu so mate dita yimkata batalimale dulu dla me-ha꞉ha꞉po.
10Ame adipalati, God yu bukatapo epo atlapo, “Oplami haletapo God mila꞉pi tle ka꞉depo pohalasema. Ka꞉dle oplami hale hawa ikadepe.
11Epame God koko malastale oplami hale hawa ikadepe. Epame God totamalalo oplami hale hawa ikadepe.
12Ame adipalati, opa hapulomatapo God tle mo-kokotipo tamalemama sikemte batalipo ha꞉ha꞉po. Epapele dulu dla ka꞉depo halale oplami hale hawa ikadepe.
13Epame yia꞉ta yuhamde kokoye wabasi dulu tle hutallu woyamde epapele some halapo. Epame yia꞉ta yuhalë oloma edla mala-atlamale yu tlo atlamha꞉ha꞉po. Epame yia꞉ yu opiye ilama mitikape some opa dla wotiyalle hamimdepo.
Loum 3
Loum 3:9-13