Romanos 16:17-20

¹⁷Lik kꞌu kantzꞌonoj che alaq hermanos, e lik kachajij ibꞌ alaq chikiwach ri kakijach upa riglesia y kakikoj tzaqibꞌal chirij ri saqil kꞌutunik chaꞌ e kꞌo jujun chik na kakikoj ta ri kꞌulum chi ralaq. Chikij kꞌu waꞌ, chesaj ibꞌ alaq;

¹⁸ma na e ta kitaqem ri Cristo, e lik kitaqem ri kirayibꞌal rike. Ri kichꞌaꞌtem lik chakojoꞌ y lik chom katatajik, pero rukꞌ waꞌ kekisok ri tikawex na jinta ko kinaꞌoj.

¹⁹Lik kꞌut etaꞌmatal chi kuma konoje e lik taqem alaq ri saqil kꞌutunik, y lik kinkiꞌkot che alaq ruma waꞌ. Yey ri kuaj che alaq e lik kꞌola naꞌoj alaq che uꞌanik ri utz, na che ta uꞌanik ri na utz taj.

²⁰Ekꞌu ri Dios, ri aj yaꞌl utzil chomal, na kamayin ta che kuyiqꞌilibꞌej uwiꞌ ri Satanás chuxeꞌ ri aqan alaq; ma e kuya che alaq ri kachꞌij alaq uchuqꞌabꞌ ri Satanás. Kꞌulu kꞌu alaq ri unimal rutzil ukꞌuꞌx ri Qanimajawal Jesucristo.