7Era eni ga l̇l̇ëye woydara Israel tjëyogarë l̈i wl̈ẽna l̈ok l̇l̇ëme. Wl̈ẽga beno Israel tjëyoga kjrara Sbörë l̈irë eröe. L̇l̇amora iara Sbörë beno l̈öng l̇l̇ëye kuya woydë l̇l̇ëm erä,
8tak pjang ba tjl̈õkwo go sorë l̈i eni. Tjl̈ẽ ga «Nopga iara Sbörë beno l̈öng pë wl̈eni, beno l̈öng l̇l̇ëye ĩga l̇l̇ëm wl̈eni, beno l̈öng l̇l̇ëye kuga l̇l̇ëm wl̈eni bakoe. Shäryara eni dënashko. Eerishko ga shärye jek eni obi.»
9Dënashko ga David tjl̈ẽno ba kjĩshko bakoe. Tjl̈ẽ Sbö kong ga «Dl̈i shärye l̈ok ara l̈i ios ber ba jyãpgwokl̈o. Shärye eni kuzong ga l̈öng wl̈ẽp bop tjok l̈e, miga jeno l̈öng, beno l̈öng shdungko erä.