7A ngoromin. Matananu Israel di tungai ser sál suri da lain kis án ararguna mam Káláu, mái sár kápte di ser pasi. Má án simán sár er ái Káláu ákte ilwa pas di, dikte mák pasi á sál erei, má risán tili di a laklak i bál di.
8A ngorer i Buk Tabu a parai ngo, “Ái Káláu a abawi kándi holhol, a apedei mát di suri kápdate mákmák, má ák dung kári talngá di suri kápdate alongra. Má a ngorer ák han pang onin.”
9Mái Dewit mul a parai ngoromin ngo, “Di mákái ngo ái Káláu ákte lala asosah i di mai marán namnam má dik hol on ngo a laes mam di ái Káláu. Má ngorer marán namnam er da iokah mai má dák pur, pasi á ngorer ái Káláu na asáksákna di.