Roma 16:3-13

³Dana̱sai Bilikisu n Akila, aza ɗa a yain manyan kaɓolo na̱ mpa tsa̱ra̱ tsu gbashika Yesu Kawauwi.

⁴A yan ta̱ gba̱m evu n ukpa̱ tsa̱ra̱ gai a ɓa̱nga̱ mu. N cikpa ta̱ cika, kpam gba̱ aꞌuwa a Atoni a Awulawa a cikpa le ta̱ dem.

⁵Dana̱sa̱ka numu dem Atoni a ɗa a tsu gawunsusa a kuwa ku le. Dana̱sa̱ka numu macigi ma va̱ Abainita. Aya Katoni ka kagita̱ a kaɓon ka Asiya.

⁶Dana̱sai Meri,† uza ɗa u yanka ɗa̱ manyan cika.

⁷Dana̱sai ama a va̱ Andaraniku n Juniya, aza ɗa a uwai a kuwa ku aꞌali kaɓolo na̱ mpa. A woko ta̱ Atoni kahu mpa, kpam asuki a na̱ka̱ le ta̱ karinga̱.

⁸Dana̱sai Ampiliya, macigi ma va̱ ma, uza ɗa wa̱ri uza u Asheku.

⁹Dana̱sai Urubana, uza ɗa u gbashikai Kawauwi kaɓolo n a̱tsu. Dana̱sai macigi ma va̱ Isa̱taki.

¹⁰Dana̱sai Abali, uza ɗa u wenikei mayun ɗa wa tono Kawauwi. Dana̱sai Aristobulu n aza a kuwa a ne.

¹¹Dana̱sai Hiridiyon vuma u va̱. Dana̱sai Narikisa n aza ɗa aꞌa̱ri a kuwa ku ne, aza ɗa aꞌa̱ri aza a Asheku.

¹²Dana̱sai Tarafina n Tarafusa, aka ɗa a yankai Asheku manyan cika. Dana̱sai macigi ma va̱ Bara̱sisa, uka roku uza ɗa u yankai Asheku manyan cika.

¹³Dana̱sai Rafu, kagbashi ka Asheku ka ka shinga, kpam i dana̱sa mma u ne, wa̱ ta̱ tyoku u mma ara va̱.