Lom 16:3-13

³Xam nêl vɨdiiên i loc vô Plisila yuu lɨya Akwila, wê xen xôn vông yuac wê Yesu Kɨlisi vông ge.

⁴Ên yuu ge wê yuu ngɨdu a xôn om tɨbii hôm yuu xôn nêb ob hi yuu yib, lêc he o hi yuu yib lêm. Om a hi vɨxag i pec ên yuu, lêc o aca va tibed lêm. Nge, tɨbii vông vinên wê o Yuda lêm ge, he êno, he vɨhati hi vɨxa pec ên yuu hɨxôn.

⁵Om xam nêl vɨdiiên i loc vô he vông vinên wê mi kɨtucma vac yuu ben ge. Dɨ xam nêl vɨdiiên i loc vô Epinitas wê a xêgyaa vin lec i ge, ên i ge wê vông i vin taxlee vac vɨgwe Esia ge.

⁶Dɨ xam nêl vɨdiiên i loc vô Malia wê vông yuac levac ên nêb ob ngɨdu xam xôn ge.

⁷Dɨ xam nêl vɨdiiên i loc vô Andlonikas yuu Junias. Yuu ge a lige Yuda wê xen xôn dô vac kalabuhu lec xolac wê xen mi nêl ge. Yuu vông i vin tax, dɨ a vông i vin tɨmuên, dɨ sinale vɨyang vɨyang xovô yuu nêb yuu xomxo nivɨha.

⁸Dɨ xam nêl vɨdiiên i loc vô a lig vông vinên Amplietas wê a xêgyaa vin lec i ge.

⁹Dɨ xam nêl vɨdiiên i loc vô Eban wê mi vông Kɨlisi yuac hɨxôn il ge. Dɨ xam nêl vɨdiiên i loc vô Stekis hɨxôn, ên i ge wê a xêgyaa vin lec i.

¹⁰Dɨ xam nêl vɨdiiên i loc vô Apelis wê vông i vin Kɨlisi nôn. Dɨ xam nêl vɨdiiên i loc vô Alistobyulas hɨxôn he wê dô vac i ben ge.

¹¹Dɨ xam nêl vɨdiiên i loc vô Helodion wê a lig Yuda ti. Dɨ xam nêl vɨdiiên i loc vô Nasisas hɨxôn xomxo vac i ben wê he vông i vin Apumtau ge.

¹²Dɨ xam nêl vɨdiiên i loc vô vêx yuu Tlaipina yuu Tlaiposa wê yuu vông yuac levac vô Apumtau ge. Dɨ xam nêl vɨdiiên i loc vô Pesis wê a xêgyaa vin lec i nôn ge, ên i ge wê vông yuac tɨbeac vô Apumtau.

¹³Dɨ xam nêl vɨdiiên i loc vô Lupas wê vông i vin xêkɨzêc dɨ vông yuac vô Apumtau ge, dɨ ta êno hɨxôn, ên i ge tɨyi xocbê a tag.