Psalms 88:6-17

⁶Kom kotin kaje ia lar nan joujou, waja rotorot o lol.

⁷Omui onion kin katoutou ia, o kom kotin idan kin ia di omui iluk kan. Jela.

⁸Kom kotiki woner kompoke pa i kan waja doo, kom kotin wia kin ia la me jued kot on ir, i jalidier o jo kak pitila.

⁹Maj ai juede kilar ai luet, nin ran karoj i potoan on komui, Main Ieowa, o i kapa won komui pa i kat.

¹⁰Kom pan kotin kajaleda omui manaman ren me melar akan? De me melar akan pan maurada danke komui? Jela.

¹¹Re pan kojoia duen omui kalanan nan joujou kan? O wajan mela duen omui melel?

¹²Omui manaman akan pan janjaleda waja rotorot, o omui pun nan jap en me re jolar kin lamelame?

¹³A i kin potoan likwir on komui, Main Ieowa nin manjan, ai kapakap pan lel won komui.

¹⁴Main Ieowa, da me kom kotin kaje ia kila, o da me kom okila ki jilan ar mo i?

¹⁵Nai me luet o jaliel jan ni ai pulepul; i kin kamekamki omui kalom, i koren ion jolar kaporopor.

¹⁶Omui onion kin kadupal ia di, omui kalom kawe ia lar.

¹⁷Re kapil ia pena dueta pil akan jan ni manjan lel jautik, ir karoj kapil ia pena.