Gesami Hea:su 88:6-17

⁶Di da bogoi salasu uli dogoi gududafa amoga na sanasi dagoi. Amo gelabo da gasi dunasi amola sedadedafa.

⁷Dia ougi da na da:i hodo da:iya dioi bagade diala amola amoga na da banenesi diala.

⁸Di da hamobeba:le, na dogolegei dunu da nama gahegisa, amola na dogolegei dunu ilia siga na da wadela:idafa ba:sa. Na da halegale hobeamu hamedei ba:sa.

⁹Na da se nababeba:le, ba:mu gogolei. Hina Gode, na da eso huluane Dima wele sia:sa, amola na lobo gaguia gadole sia:ne gadolala.

¹⁰Di da bogoi dunuma musa: hame ba:su hou hahamoma:bela? Ilia da bu wa:legadole Dima nodone sia:ma:bela:?

¹¹Dunu ilia da Dia mae fisili asigi hou bogoi uli dogoi gelaba ganodini sia:ma:bela:? Dia didili hamosu da gugununfinisisu soge amo ganodini dialoma:bela:?

¹²Dia hame ba:su liligi hou da, amo gasi sogebi amo ganodini ba:ma:bela:? Dunu ilia eno dunu amo da bogoi sogega daha hedolo gogolesa. Amo soge ganodini, Dia noga:idafa hou da dialoma:bela:?

¹³Hina Gode, na da Dia na fidima:ne Dima wele sia:sa. Eso huluane hahabe na da Dima sia:ne gadosa.

¹⁴Hina Gode, abuliba:le Di da nama higale ba:sala:? Abuliba:le Di da nama baligi fa:sala?

¹⁵Na da goifonoboga ganiniwane se nabasu amola na da bogomu gadenenewane esalusu. Na da Dia dawa:ma:ne se bidi iasu dioi bagadeba:le, amoga sesele gasa hame galebe.

¹⁶Dia ougi hou bagadedafa amoga na da banenesi dagoi. Dia gasa fili doagala:su amoga na da gugunufinisi dogoi.

¹⁷Eso huluane ilia da na sisiga:le aliligibi amo ba:sea, da hano hihi heda:i agoai ba:sa, ilia da na beba:le huluane eale disisa.