Psalms 74:3-20

³Kom koti don waja me lijelipin anjau warai; imwintiti me kawelar meakaroj nan im jaraui.

⁴Me palian komui, kin weriwer nan tanpaj omui o pwilikidi arail dikedik en ani mal akan lole.

⁵Irail pwaradar dueta ir, me wia palapal nan wel.

⁶Re kin kawela did kajelel akan ki jile laud o tikitik.

⁷Irail karonala tanpaj omui; irail kajaminela o tiakedi waja me mar omui kotikot ia.

⁸Irail kin inda nan monion arail: Na, kitail pan kawela! Irail karonalar wajan kaudok karoj nan jap o.

⁹Jolar manaman akai janjal on kitail, o jolar jaukop amen mia, o jota amen re atail me pan aja imwilan mepukat.

¹⁰O Main Kot, arai da me morjued o pan lalaue, o imwintiti o pan mamaleki mar omui?

¹¹Da me komui kotiki wei jan lim omui? Kotikida pali maun omui o kaimwijokala.

¹²Pwe Kot ai Nanmarki jan maj o. I me jauaj pan meakaroj, me kin wiaui nin jappa.

¹³Kom kotin kamueit pajaner madau ki omui manaman, o kom kotin kawelar monan drake nan pil.

¹⁴Kom kotin kawelar monan walroj, ap kotiki on aramaj nan jap tan, pwen kanala.

¹⁵Komui kotin kapwaredar parer o pilap akan, o pilap kalaimun akan me kom kotin kanalanaladi.

¹⁶Ran o pon me japwilim omui; komui kotin wiadar jaunipon o katipin.

¹⁷Komui wiadar irair en jap akan; komui me kin wia anjaun karakar o kapou.

¹⁸Kom kotin kupura mepukat: Imwintiti o lalaue komui Main, o aramaj pweipwei kan mamaleki mar omui.

¹⁹Kom der kotiki on man laualo nen en japwilim omui muroi, o kom der likidmaliela pwin en japwilim omui luet akan.

²⁰Kom kotin tamanda inau o, pwe jap olar waja karoj o im akan pual pajaner.