Psalms 56:1-10

¹MAIN Kot, kom kotin maki on ia, pwe aramaj akan nirinir on ia; re kin peipei o kamajak ia ni ran karoj.

²Ai imwintiti kan kin nirinir nin ran karoj, pwe me toto pei on ia ni ar aklapalap.

³Ni ai majak i kin kaporoporeki komui.

⁴I pan kapina majan en Kot, i pan kaporoporeki Kot o pan jota majak, da me aramaj kak wiai on ia?

⁵Ran karoj re kin kawukila ai lokaia, re kin madamadauata, duen ar pan kawe ia la.

⁶Re pokon pena, o majamajan, o kanakanai on kaimwin nä i kat, duen ar pan kak kame ia la.

⁷Iaduen, re pan kak pitila ni ar morjuet? Main Kot, kom kotin kajapokala jon en aramaj due met,

⁸Kom kotin wadok pena al en ai pitilar akan, o kotin kolekol pena pil en maj ai nan japwilim omui dal o. Pwe kaidin karoj kileledier nan japwilim omui puk o?

⁹Ai imwintiti kan ap pan japale wei ni ran o me i pan likelikwir; Iet me i aja, me Kot jauaj pa i.

¹⁰I pan kapina majan en Kot; i pan kapina majan en Ieowa.