ZABURA 56:1-10

¹Lɛ̀ kũ Dauda dà gↄrↄ kũ Filisitininↄ a kũ̀ zaa Gata. Ǹ ma wɛ̃nda gwa Luda, òtɛn pɛ́ma, òdigↄ̃ zĩ̀ ká kũmao ògↄ̃ wɛ́ tãma gↄrↄ sĩnda pínki.

²Ma kpàkparinↄ dìgↄ̃ pɛ́ma gↄrↄ sĩnda pínki, ń karambaani yãin òtɛn zĩ̀ ká kũmao.

³Tó vĩna tɛni ma kũ, mani n náani kɛ.

⁴Mani Luda tↄ́ kpá yã kũ à ò yãi, má Luda náani vĩ, mani vĩna kɛro. Bↄ́n bisãsiri ni fↄ̃ à kɛmɛnɛɛ?

⁵Òdigↄ̃ ma yã litɛ kpɛdangara gↄrↄ sĩnda pínki, òdigↄ̃ ma kpákpa kũ yã vãnio.

⁶Òdi kↄ̃ kakaramai ò natɛmɛnɛ, òdi ma kpákpa ògↄ̃ ye ò ma dɛ.

⁷Luda, ǹsun tó ń gbɛ̃ke boro, ǹ burinↄ nɛ kũ pↄfɛ̃o.

⁸Ǹ ma warikɛna yã da, ǹ ma wɛ́tɛ̃kↄtɛna ká n tùruu gũn. À kú n takada gũnloo?

⁹Tó ma lɛ́ zù Ludai, ma ibɛrɛnↄ ni boru kũ kpɛo, manigↄ̃ dↄ̃ kũ à yã sìmɛnɛ.

¹⁰Mani Luda tↄ́ kpá yã kũ à ò yãi, ee, mani Dikiri tↄ́ kpá yã pì ona yãi.