Psalms 55:7-23

⁷I ap pan pirla waja doo, o kaukaujon jap tan. Jela.

⁸I pan madanlan wajan moleilei mon melimel o katau.

⁹Main Ieowa, kom kotin kawuk pajan lo arail, o kotin kajore ir ala, pwe i kilekilan, me toun kanim o kin weit o akamai pena.

¹⁰Mepukat kin wiaui ni ran o ni pon pon arail kel takai, o a dir en apwal o dodok kan.

¹¹Me jued akan kin kaunda kanim o; o tou a kan jota kin muei jan likam o kotaue.

¹²Ma ai imwintiti pan wia jued on ia, i jota pan injenoki, o ma me kailon kin ia pan pei on ia, i pan ruki jan mo a.

¹³A koe, ai warok, o kompole pa i o kij ai.

¹⁴Pwe kitail minimin penaer nan pun atail. Kitail wiaki eu nan pun en pokon nan tanpaj en Kot.

¹⁵Mela en madan lel won irail, pwe ren lokidokila nan wajan mela ni ar memaur; pwe im arail o lol arail me dir en morjued.

¹⁶A i pan likwir on Kot, o Ieowa pan kotin jauaja ia.

¹⁷Nin jautik, o ni manjan, o nin jauaj i pan janejan o weriwer, a ap pan kotin mani nil ai.

¹⁸A pan kotin dorela nen i jan ren me men palian ia, o pan kotin kamoleilei ia; pwe ir me toto, me u on ia.

¹⁹Kot pan kotin ereki o kanamenok ir ala, pwe a kotikot eta jan tapin kaua. Jela. Pwe re jota pan wukila, o re jota majak Kot.

²⁰A jaikidi japwilim a popol akan, o a kawela a inau.

²¹Au a me kitentel jan wi, ap lamelame duen mauin, a lokaia me muterok jan le, ap rajon kodlaj kon, me onopa dan pei.

²²Mueid on Ieowa, me koe inon ion, a pan apwali uk ada, a jota pan kotin mueid on me pun kan en wukiwuk jili.

²³Main Kot, kom pan kotin kaje ir lon on nan por lol en me jued o; me inon ion nta o likam kan jota pan lel on apali en maur arail. A i pan kaporoporeki komui.