Psalms 50:11-22

¹¹I aja manpir en nana karoj o jon en man karoj, me mi nan jap, kin mi re i.

¹²Ma I men manadar, I jota pan indan uk, pwe jappa me ai o audepa karoj.

¹³Da, koe lamelame, me I kin inon ion uduk en kau ol, de I men nim ntan kut ol?

¹⁴Maironki danke on Kot o kapunalan me Lapalap o om inau.

¹⁵Likwir don ia ni om injenjued, I ap pan dore uk ala, a koe pan kapina ia.

¹⁶A Kot kotin majani on me japun o: Da me koe kaparok duen ai kujoned akan, o lokaia kida au om duen ai inau,

¹⁷Pwe koe kin tateki tiak pun o mamaleki ai kujoned akan?

¹⁸Ma koe pan kilan lipirap amen, koe kin ian i, o koe kin waroki on me kamal akan.

¹⁹Au om kin lokaia kiwei me jued o lo om me likam.

²⁰Koe kin wonon o lokaia likam duen ri om; o nain in om putak koe kin karaune mal.

²¹Koe wiada mepukat, a nai kin nenenla; koe ap kiki on, me nai dueta koe. A I pan kapun on uk o kajaleda mon maj om.

²²Komail me mamaleki Kot, en aja, I pan kajor komail la o jota jauaj pamail pan mia.