Psalm 96:4-13

⁴LEUM GOD El fulat, ac arulana fal in kaksakinyuk Ac akfulatyeyuk El yohk liki god nukewa.

⁵Tuh god lun mutunfacl saya nukewa ma sruloala na, A LEUM GOD El pa orala kusrao.

⁶Wolana ac wal fulat raunella, Ku ac oasku nwakla Tempul lal.

⁷Kaksakin LEUM GOD, kowos mwet nukewa fin faclu, Kaksakin wolana ac ku lal.

⁸Kaksakin wolana lun Inen LEUM GOD; Us mwe sang lowos ac utyak nu in Tempul lal.

⁹Epasrla ye mutun El su Mutal ke El sikyak in wolana lal, Ac rarrar ye mutal, kowos mwet faclu nufon!

¹⁰Fahk nu sin mutunfacl nukewa, “LEUM GOD El tokosra. Faclu oakwuki ku in acn se, ac tia ku in mukuikui; El fah nununku mwet nukewa ke nununku suwohs.”

¹¹Lela kusrao ac faclu in engan! Lela meoa ac ma nukewa loac in ngirngir.

¹²Lela inima uh ac ma nukewa fac in engan. Sak nukewa insak uh in sasa ke engan

¹³Ke LEUM GOD El tuku in leumi faclu. El ac fah nununku mwet fin faclu Ke suwoswos ac pwaye.