Psalm 91:12-15

¹²Munuya nyara paluṟu tjana nyuntunya maṟangku katuṟa kanyilku punkaṟa apungka tjina kaṯakatinytjaku-tawara.

¹³Ka nyuntu lion pikaṯi tjuṯangka liru tjuṯangka kuḻu nguṟurpa rapa para-ngaṟaku, kaya nyuntunya patjantja wiyangku wantiku.

¹⁴Panya Godalu wangkanyi nyanga alatji, “Nyuntu ngayuku puḻkaṟa mukuringkunyangkaṉa nyuntunya wankaṟunkuku, munuṉanta nyuntunya aṯunytju kanyilku nyuntu ngayuku mulamularingkunyangka.

¹⁵Palu kura kutjupa kutjupa nyuntula utiringkunyangkampa ngayunya aḻṯi, kaṉa ngayulu kuliṟa nyuntula tjunguringkula nyuntunya wankaṟunkuku, kaya aṉangu kutjupa tjuṯangku nyuntunya wankaṟunkunyangka nyakula wangkaku, ‘Ai, wati nyangatja wiṟu mulapa.’