Psalm 81:2-15

²Mutawauk on, ac srital ke tambourine, Sritalkin pusra wowo lun harp ac lyre.

³Ukya mwe ukuk ke pacl in kufwa — Ke pacl in alwut, ac ke pacl in mwesr.

⁴Pa inge ma sap in acn Israel, Ma oakwuk sin God lal Jacob.

⁵El sang ma sap inge nu sin mwet Israel Ke El mweuni facl Egypt. Nga lohng sie pusra nga tia etu su fahk,

⁶“Nga eisla ma toasr liki finpisowos; Nga aksukosokye pouwos liki orekma upa.

⁷Ke kowos muta in ongoiya kowos pang nu sik, ac nga molikowosla; Nga topuk kowos liki nien muta lukma luk ke paka, Ac nga srike kowos ke unon in kof Meribah.

⁸Mwet luk, porongo kas in sensenkakin luk, O Israel, nga kena tuh kowos in porongeyu!

⁹Kowos in tiana alu nu sin kutena god saya.

¹⁰Nga LEUM GOD lowos, Su uskowosme liki acn Egypt. Oalngelik oaluwos ac nga fah kite kowos.

¹¹“Tuh mwet luk elos tiana porongeyu. Israel tiana akosyu.

¹²Ke ma inge nga fuhlela elos in fahsrna ke moul likkeke lalos uh, Ac oru oana lungse lalos.

¹³Nga arulana ke mwet luk in porongeyu, Ac akosyu.

¹⁴Na nga fah sa in kutangla mwet lokoalok lalos Ac nga fah sruokya mwet lainulos nukewa.

¹⁵Elos su srungayu fah sangeng ac epasr ye mutuk, Kai luk nu selos fah oan ma pahtpat.