Psalm 69:5-17

⁵O God, ma koluk luk tiana wikla liki kom, Kom etu lupan nikin luk.

⁶Nikmet lela tuh nga in akmwekinyalos su lulalfongi kom, O LEUM GOD Kulana. Nikmet lela in nga pa pwanang pilesreyuk elos su alu nu sum, O God lun Israel.

⁷Ke sripom nga akkolukyeyuk, Ac mwekin apinyula.

⁸Nga oana sie mwet tia eteyuk sin mwet lik, Ac oana sie mwetsac in sou luk.

⁹Moniyuk luk nu ke Tempul lom firirrir in nga oana sie e; Ac kas in akkoluk lun mwet keim putati nu fuk.

¹⁰Nga sifacna akpusiselyeyu ke lalo luk, Ac mwet uh fahk kas in akkolukyeyu.

¹¹Nga nokomang nuknuk in asor Ac elos isrunyu.

¹²Elos sramsramkinyu inkanek uh, Ac mwet sruhi elos kinala on keik.

¹³A funu nga, LEUM GOD, nga ac pre nu sum; Topukyu, O God, in pacl kom sulela, Topukyu ke lungse yohk lom, Ke sripen kom akpwayeye wulela lom in molela.

¹⁴Moliyula tuh nga in tia tili yen furarrar, Langoeyula liki mwet lokoalok luk, Ac liki inkof loal.

¹⁵Tia lela sronot in afinyula, Nikmet lela nga in walomla yen loal Ku tili nu in kulyuk.

¹⁶Topukyu, O LEUM GOD, ke wolana lun lungse kawil lom; Ke pakoten lom, kom in forma nu sik.

¹⁷Nikmet okanla motom liki mwet kulansap lom, Nga muta in ongoiya lulap — topukyu inge!