12Fin mwet lokoalok se luk pa aksruksrukyeyu, Nga ac ku in muteng; Fin mwet lainyu se pa tungak nu sik uh, Nga ac ku in wikla lukel.
13Tuh pa kom pa oru — mwet na wiuk se, Mwet na nga etu se, ac kawuk na wowo luk.
14Kut arulana sukosok in sramsram nu sin sie sin sie Ac kut tukeni alu in Tempul.
15Finsrak tuh mwet lokoalok luk in misa meet liki pacl fal lalos; Finsrak elos in moulna som nu infulan misa! Tuh ma koluk oasr in lohm selos ac insialos.
16A funu nga, nga pang nu sin LEUM GOD in suk kasru, Ac El ac fah moliyula.