Psalm 49:10-19

¹⁰Mwet nukewa ku in liye pac lah finne mwet lalmwetmet, elos ac misa pac, Oapana mwet lalfon ac mwet lofong. Elos nukewa ac misa ac filiya mwe kasrup lalos nu sin fwilin tulik natulos.

¹¹Kulyuk lalos pa lohm selos nu tok ma pahtpat; Pa ingan nien muta lalos nwe tok, Finne tuh oasr acn lalos sifacna meet.

¹²Fulat lun sie mwet tia ku in sruokilya liki misa; El ac misa pacna, oana ma orakrak nukewa.

¹³Liye ma sikyak nu selos su lulalfongi kaclos sifacna, Liye saflaiyalos su pwayekin mwe kasrup lalos —

¹⁴Elos ac misa pac oana sheep uh, Na Misa pa ac fah shepherd lalos. Mwet suwoswos elos fah kutangulosla, Ke manolos sa na kulawi In facl lun mwet misa, loesla liki acn selos.

¹⁵Tusruktu God El ac fah moliyula; El fah moliyula liki ku lun misa.

¹⁶Nik kom supwarla sie mwet el fin kasrupi, Ku mwe kasrup lal fin yokelik na;

¹⁷El tia ku in us ma ingan ke el misa; Mwe kasrup lal tia ku in welul.

¹⁸Mwet se finne insewowo in moul lal pacl inge, Ac kaksakinyuk el ke sripen el mwet eteyuk se,

¹⁹El ac fah weang pacna mwet matu lal su misa meet, Ac som nu in acn lohsr ma pahtpat.