Psalm 46:5-10

⁵God El muta in siti sac, ouinge ac fah tiana kunausyukla; El ac fah tuku kasru siti sac ke srakna toang.

⁶Mutanfahl uh sangeng, tokosrai uh usrusryak; God El kouyak ke pusren pulahl, ac faclu kofelik.

⁷LEUM GOD Kulana El wi kut; God lal Jacob El nien molela lasr.

⁸Fahsru ac liye ma LEUM GOD El orala; Liye ma sakirik El oru fin faclu.

⁹El tulokinya mweun fin faclu nufon; El koteya mwe pisr, kunausla osra, Ac esukak mwe loang uh.

¹⁰Ac El fahk, “Kowos in tia sifil mweun, ac etu lah nga God, Nga fulat inmasrlon mutunfacl uh, Nga fulatlana fin faclu.”