Ola Saam 46:5-10

⁵God oldei jidan langa det taun. Nomo enijing kaan binijimap det taun. God garra oldei album det taun.

⁶Wen God garra jingat jis laik det laitining weya im meigim bigbala nois, detlot pipul brom najalot kantri garra bradin brabliwei. Detlot boswan brom detlot kantri kaan jidan boswan enimo. En det graun garra binij.

⁷YAWEI det boswan God im iya garram wi na. Det God blanga Jeikob, im oldei lukaftumbat wi.

⁸Yumob kaman en luk wanim God bin dum. Imbin dum loda klebabala ting langa dijan graun.

⁹Im gin stapam ola pipul wen dei oldei faidabat gija. Im gin breigim ola bo en ola spiya, en im gin barnimap ola shild blanga olabat du.

¹⁰God bin jingat brabli adbala. Imbin jingat, “Yumob stap faidabat na en jinggabat mi! Yumob sabi na, mi na det haibala God. Mi na det haibala God blanga ola pipul langa ebri kantri. Mi na det haibala God blanga dijan graun.”