Psalm 40:12-16

¹²Kura winki mulapa nyangatja ngayula utiringanyi munuṉi puuntananyi. Kaṉa puṯu alatjiṯu kulini. Ngayuluṉa kura tjuṯa mulapa palyaṉu, munuṉa kuwari puṯu nyanganyi iwara palyangka ankunytjikitjangku. Kuwariṉa uparingkula rapa ngaṟanytja wiyaringu.

¹³Mayatja God, wanyuṉitju warpungkula pitjala ngayunya alpamilala wankaṟu nyinanytjaku.

¹⁴Aṉangu tjuṯangkuya ngayunya iluntankunytjikitjangku kulini, ka mayatja, wanyu tjananya painma kaya kuṉṯaringkula anama alatjiṯu.

¹⁵Paluṟu tjana panya ngayunya kuraṟa pungangi munu ananingi. Ka wanyu mayatja, tjananya puḻkaṟa painma, kaya kuṉṯaringkula wangkama, “Munta, kurangkula palunya kuraṟa pungangi.”

¹⁶Kuwariṉa nyuntula tjapini aṉangu panya nyuntunya waḻkulpai tjuṯaku, paluṟu tjana nyuntumpa puḻkaṟa pukuḻarinytjaku, panya nyuntun palunya tjananya wankaṟunkunytjanguṟu. Wankaṟunkunytja nyara palulanguṟu tjana uti tiṯutjarangku mirawaṉira alatji wangkama, “Mayatja Godanya puḻka mulapa.”