Psalm 27:3-10

³Avena da sorodia borui ina mae-gariḡuruviu,tau eḡa ana rovo dadana.Maranai au ḡavia i vomairi,tau anina da God ana vivitumaḡanei.

⁴Kaua tagogi ava aubaina a vivibaḡa.Au ḡoana ḡaeḡaena da,Bada ana au numa, boruborumana ana mae,ma ana voepaepai. Au lawana au anatapuna.

⁵Nuabola au maranaina tereḡaḡariu.Ana gabu au vivivireina, ina teregovaḡiu.Ma ola au tepana ina tereuda ḡavia eḡa ina vodadaniu.

⁶Ma au ḡavia i garigari kwaipipiniu, ana tuvaidoedoei.Da au tempol ana morelanau pulo ana apui Bada awarina.Ana vinuaiai ma welei ma arei ma ana voepaepai.

⁷ Bada ma rautaniḡaneu maranai awarim a kwatukwatu,ma raunuʼapoapoleu ma ma paribeleu.

⁸Au orau u riwa, u pa, “Ma nei da ma rauduneleu.”Tau a paribelem a pa, “Bada a nenei.”

⁹Eḡa ma raugovaḡeu,eḡa awariu ma ḡaiawa.Am taunola eḡa ma inana geduaiei,au anatapuna tam, au tauagu.Eḡa ma netawaneu,au God, tam au tauvilawana.

¹⁰Avena da amau ma alou ita teretawaneu,wate Bada ina paina-kaueu.