Psalm 17:2-14

²Lela tuh nununku lom in wo nu sik Mweyen kom etu ma pwaye.

³Kom etu na insiuk. Kom sikme nu sik ke fong. Kom arulana suk ouiyuk Ac kom tia konauk kutena nunak koluk in nga. Nga tia fahk kutena ma koluk,

⁴oana ke mwet saya oru; Nga akos na ma sap lom Ac nga tia fahsr ke inkanek lun mwet sulallal.

⁵Nga fahsr ke inkanek lom in pacl nukewa, Ac tiana kuhfla liki.

⁶Nga pre nu sum, O God, mweyen kom topukyu; Ke ma inge, forma nu sik ac porongo kas luk.

⁷Akkalemye lungse wolana lom ac moliyula; Ke nga muta siskom nga moulla liki mwet lokoalok luk.

⁸Karinginyu oana ke kom karingin atronmotom sifacna; Wikinyula ye lulin poum,

⁹Liki anwuk lun mwet koluk. Mwet lokoalok akmas elos rauniyula;

¹⁰Wangin pakomuta lalos ac elos kaskas filang.

¹¹Elos rauniyula yen nukewa nga forla nu we, Ac elos suk na pacl wo lalos in uniyuwi.

¹²Elos soaneyu oana kosro lion, Ac kena sreyuwi nu ke ip srisrik.

¹³Fahsru, O LEUM GOD! Lain mwet lokoalok luk ac kutangulosla! Moliyula liki mwet koluk ke cutlass nutum;

¹⁴Moliyula lukelos su eis insewowo lalos in moul se inge. Kaelos ke ongoiya su kom elosak nu selos; Oru in yohk tuh in sun pac tulik natulos, Ac in oasr pac ma lula nu sin tulik nutin tulik natulos!