Psalm 132:6-16

⁶Melel, se ronger duen i nan Eprata; se diaradar i nan sap en Iaar.

⁷Se pan pedelong ong nan tanpas a o kaudok ni utipa.

⁸Kotida, Maing Ieowa, koti dong omui kamol, komui o kopan omui manaman!

⁹Sapwilim omui samero kan en likau kida pung, o sapwilim omui me saraui kan en pereperen.

¹⁰Re der sopwei sang mas en sapwilim omui me keidier, pweki Dawid sapwilim omui ladu.

¹¹Ieowa kotin kaula ong Dawid kaula melel eu, o a sota pan kawukila: I pan kasapwiladang mol om kisan kadaudok om.

¹²Ma noum seri ko pan kolekol ai inau, o ai kusoned akan, me I pan kawewe ong irail, nairail seri ko ap pil pan mondi pon mol om kokolata.

¹³Melel Ieowa kotin pilada Sion, o a kotin men kotikot wasa o.

¹⁴Iet wasan ai kamol kokolata; wata et, me I pan kaukauson ia, pwe wasa et I kin mauki.

¹⁵I pan kapaiada kan a manga, o pan ki ong me samama re ’rail prot toto.

¹⁶O I pan kalikauwi kida maur arail, samero kan, o me lelapok re ’rail pan ngisingis laud.