SAM 132:6-16

⁶Sike ninu Epratah yot gapmane yuke pukit takwanu buyambam tapatane gwende natapbumang. Sike ninda kawatna Jardane kep komune yuwawan kakumang komune yukut.

⁷Ninda Buyambam tapatane you buyambam gwene kuna. Ninda wesim kuke ayuak komune munu puke gwetake gaau inina, ngang yawa natapbumang.

⁸Buyambam tapa, ga enake apuke keu yuwi takananga komune pukuyuyo. Sike gatane pukit takwanu gikane kekekngaka undang yuau une yuke apso.

⁹Nata natapa gata pris gikane apaapata tauknga pasike nomanu asinggan asinggan tasiningge nataat. Nomanu waaknga unzing, tauk take pasikaing binga. Sike gikane aminbamda yanggamatake baknganingge nataat.

¹⁰Buyambam tapa, gata Devit tapi tupan amin tapaka dakngakut. Siwan gikane puya amindae natake masa ma imim.

¹¹Buyambam tapata tupa wamu kekeknga takngatu Devitde yawan kekekakuu dua sandewik. Siwan wamu anzing yakut, “Nata tasiwa gatane dongune nana tapatuta king dakngawik. Kingu waapata gae tangge yuwik,” ngang yakut.

¹²“Sike gatane waakga akwau nata yawa kekekakut taknga tawake gatu mama wamu nata yamukum taknga tawambanu, itane waaknga masan aatning kaya king daknganing. Ina unzakan masan kaya unzakan siwik,” ngang yawan kekekakut.

¹³Dasingge, Buyambam tapata Saionu natane yotbam gapmana ngangu gwa yawan yukut. Unzingge ita waomune asinggan yutnangge nataak.

¹⁴Ita anzing yakut, “Na yotbam anggapmane asinggan asinggan yuwit. Nata you anggapma king kapa yuwitde gwa yakum,” ngang yakut.

¹⁵Sike nata sanga kwaapzang you Saion gapmane nanae yama waakwau sangae dua dapning. Ngan, nanamu kundu atdapmakaingge yama akgitnawan yutning.

¹⁶Siwan nata pris Sion yuaing aminde puya yama aminbamu gatuna apanggat takngae aminbam yanikapning. Siwana natane aminabamu wanggapmane nana apbakngake kap taining.