GWAY GI IDAWUU’D 132:6-16

⁶Hili mo mo ma, aman ciḵkina gwo mo ’pena Ap̱raatah, dhali aman gamkina a’di mo e bwam bunto ma Waar mo.

⁷Dhalki ana iina mo e mom piti jin c̱a’ba a’di mo. Dhalki ana luŋa a’di e cwam piti jin dhuna a’di sho’k mo.

⁸Cuyi mis mo ma, ayy Tap̱a, dhali yayi mo e mom pini jin mina /e ishi/ is mo, /e dhali Sanduuḵ gi mo ma dem dem pini mo.

⁹Dhalki igasiis pini uni shumkunu ki mo ma ḵar/e mo, dhali dhalki unim pini kun dhunu ki she/ ki dhelel dhelel ḵum cuuwa/ gom bwaŋ ’kunyka/ mo.

¹⁰Gom gway ma Dawuu’d jin ta c̱iŋkinam pini mo tani dhalku/ ki ṯu’k bwam/em pini ’peni a’dim pini jin ’koshkina /e ki monyca mo.

¹¹Tap̱a a’di thulki’da Dawuu’d gwo me’da p̱o/ ki isi oŋ gana/ mo, ’peni gwo jin mina a’di diki doḵ ka nyaŋ’ko’d mo, mmo/o gwo mo ki: Jan ṯal ’de/ ’peni iya/m pini gi buŋgwar is pini mo tani a’di miga/ kara p̱o/ ḵursi ma maliḵ pini mo.

¹²Waḵki/ iya/m pini mini dhu gwom pem jin gamu me’d mo dhali gwonyc̱im pem kun miga/ ṯor uni mo tani iya/m buni si’da/ ki sule/ sule/ mo mini ’kowa p̱o/ ḵursi ma maliḵ pini mo.

¹³Haali/ Tap̱a a’di kwanyki’da Sihyuun mo. Dhali a’di ona bwa ki a’di ki o jin shiyi’d mo gom mom piti mo be.

¹⁴Mo yansan a’di ta mom pem jin miga/ si/ is ki sule/ sule/ mo. Mmahan imiga/ c̱a’b mo haali/ aha/ ona bwa ki a’di mo be.

¹⁵Dhali aha/ mina ’bor mo ma yim mii ka enthus gom to kun minu c̱i a’di mo. Aha/ mina kap̱ ’kwani ma ha’th’ko’d ma yima du ki tonṯe/ mo.

¹⁶Igasiis ma yim mo tani aha/ mina hi’th uni ki bway mowoṯẖ mo dhali uni ma yim kun dhunu ki she/ ki dhelel dhelel mo tani mini ḵum cuuwa/ ki moŋ’kuny bwa mo.