Pisalem 149:4-8

⁴Dimaadua e manawa tene gi ana daangada. Mee e hagalaamua digau ala e hila gi lala e hai digaula gi aali.

⁵Nia daangada a God la gi tenetene idimaa ginaadou gu aali, mo di dadaahili tenetene i di boo dogomaalia.

⁶Digaula gii wwolo gi nua ma ga hagaamu a God, mo nadau hulumanu dauwa gaa i nadau lima,

⁷e hagamagedaa nia henua ge e daaligi nia daangada,

⁸e lawalawa nia king digaula gi nia daula baalanga, gei nia dagi digaula e lawalawa gi nia daula baalanga mau,