Pesalem 96:5-11

⁵Gebe tenteŋlatu nêŋ anôtôi samob gwamgeŋ. Apomtau taugeŋ tec kêkêŋ undambê.

⁶Wae to ŋawasi kiŋŋa kêkôm eŋ auc. Ŋaclai to ŋawasi gêjam ênê gamêŋ dabuŋ auc.

⁷O lau samuc nêŋ gôlôac, atoc Apômtau sa. Atoc Apômtaunê ŋawasi to ŋaclai sa.

⁸Atoc Apômtaunê ŋaê towae sa. Asô ênê malacluŋ ana ma ansuŋ da êndêŋ eŋ.

⁹Au taôm anêc Apômtau laŋônêm togêlôŋ dabuŋgeŋ. Nom ŋagamêŋ samob, atênêp êtu eŋŋa.

¹⁰Asôm biŋ tonec lasê êndêŋ lau samuc gebe “Apômtau katu kiŋ. Eŋ kêsuŋ nom ŋam tôŋ ŋajaŋa gebe kôjô-kôjô atom. Eŋ oc êmêtôc tenteŋlatunêŋ biŋ naêndêŋgeŋ.”

¹¹Undambê atu samuc ma nom têtac wapi, gwêc tau to gêŋ mateŋ jali samob, taŋ sêmoa ŋalêlôm naŋ, ŋadindiŋ êsa.