Pesalem 92:6-12

⁶Ŋac taŋ nê kauc masi naŋ, oc êjala gêŋ tonaŋ ŋai atomanô. Ma ŋac meloc oc êjala ŋam sapu.

⁷Lau taŋ sêkac tauŋ su aŋga Anôtônê naŋ, têtôm gêgwaŋ ŋamêdôb wakuc ŋajam, ma lau samob, taŋ sêgôm sec naŋ, têtôm ka ŋaola kêsa, mago oc sêmoa atom, sênaŋa samucgeŋ.

⁸Ma aôm Apômtau oc ôŋgôŋ nêm lêpôŋ, taŋ kêkô lôlôcŋa naŋ, endeŋ tôŋgeŋ.

⁹O Apômtau, aômnêm ŋacjo oc sênaŋa biŋŋanô. Nêm ŋacjo oc sênaŋa biŋŋanôgoc. Aôm oc onseŋ lau samob, taŋ sêgôm sec naŋ, popoc êliŋ-êliŋ.

¹⁰Aôm gôgôm aê ôlic walô kêsa amboac bôc bulimakao kapoac ŋaclai teŋ. Aôm goeŋ oso aê ŋa gêŋ têtac ŋajamŋa.

¹¹Aê galic sêku ŋoc ŋacjo tulu ma gaŋô lau sec sêwakic.

¹²Lau gêdêŋ sêpoa sêpi amboac nip ma têtu baliŋ kêtôm kaseda Lebanonŋa.