Zaburi 92:6-12

⁶Mtu mpumbavu hawezi kuyajua, wala mjinga kuyaelewa haya:

⁷Wasio haki watakapochipuka kama nyasi, na hata watendao uovu watakapo stawi, bado wataangamizwa kwenye uharibifu wa milele.

⁸Lakini wewe, Yahwe, utatawala milele.

⁹Hakika, watazame adui zako, Yahwe! Hakika, watazame adui zako. Wataangamia! Wale wote watendao maovu watatawanywa.

¹⁰Wewe umeyainua mapembe yangu kama mapembe ya Nyati wa porini; nimepakwa mafuta safi.

¹¹Macho yangu yameona kuanguka kwa adui zangu; masikio yangu yamesikia maangamizi ya maadui zangu waovu.

¹²Wenye haki watastawi kama mtende; watakua kama mwerezi wa Lebanoni.