Pesalem 85:2-10

²Aôm kôsuc nêm launêŋ biŋ ôkwi ma gôsaŋ êsêacnêŋ geo samob auc.

³Aôm kôpuc nêm têmtac ŋandaŋ tôŋ ma gôwi nêm têmtac ŋalakoc siŋ.

⁴O Anôtô, aêacma kêsiwaga, mêŋônam aêac sa êtiam ma ôwi ôlim ŋakam aêacŋa siŋ.

⁵Aôm oc gobe têmtac ŋandaŋ êndêŋ aêac endeŋ tôŋgeŋ me. Aôm oc gobe ôê têmtac ŋandaŋ tôŋ elom-elom ma wakuc samob me.

⁶Aôm oc ôkêŋ aêac asê aweŋ su êtiam gebe nêm lau ôliŋ êpi êtu aômŋa êtiam me masi.

⁷O Apômtau, ôtôc nêm têmtac gêwiŋ teŋgeŋŋa êndêŋ aêac ma ôkeŋ aêac awê kaiŋ nêm moasiŋ.

⁸Aê gabe jaŋô biŋ, taŋ Apômtau Anôtô tau kêsôm kêsa awa naŋ. Eŋ kêsôm biŋmalô gêdêŋ nê lau, gadêŋ nê lau dabuŋ, taŋ sêmu dêndêŋ nêŋ lêŋ meloc êtiam atom naŋ.

⁹Kêdabiŋgac gebe ênam lau, taŋ têtac eŋ naŋ, sa biŋŋanôgeŋ gebe ŋawasi ênam aêacnêŋ gamêŋ auc.

¹⁰Têtac gêwiŋ teŋgeŋŋa to biŋ ŋaŋêŋ oc sêwiŋ tauŋ. Biŋgêdêŋ to biŋmalô oc sêmbôêŋ tauŋ.