SALMOS 85:2-10

²Tiquinquixtili inintlaixpanolhua nochi motlacajhua. Quena, tiquixtlalpacho nochi inintlajtlacolhua.

³Timoyoltlali tohuaya huan ayoc tlahuel ticualantoc.

⁴NoTeco Dios, ta tlen titemaquixtía, ama xijchihua para sampa ma timitzicnelica para ayoc quema techajsis mohueyi cualancayo.

⁵¿O huelis tijsenhuiquilis ticualantos tohuaya para nochipa? ¿O huelis tijhueyilis mohueyi cualancayo para nochi xihuitl?

⁶Toteco Dios, sampa xitechtlalana, huan tojuanti timotlacajhua sampa timopaquilismacase ipan ta.

⁷TOTECO, xitechnextili mohueyi teicnelilis, huan xitechmaquixti.

⁸Na nijtlacaquilijtoc nochi tlen quiijtohua TOTECO Dios, pampa yajaya quincamahuis itlatzejtzeloltijca tlacajhua tlen quintlapejpenijtoc. Huan tlen quiijtos quinmacas tlasehuilistli ipan ininyolo, para inijuanti ma ayoc mocuepaca ipan nopa ojtli tlen huihuitic campa nemiyayaj ipan tlajtlacoli.

⁹Melahuac Toteco Dios itztoc nechca para quinmaquixtis tlacame tlen quitlepanitaj huan quiimacasij quiixpanose. Se tonal ihueyitilis Toteco quitemitis totlal.

¹⁰Campa hueli mopantise teicnelijcayotl huan tlen melahuac. Campa hueli nochi quimatise para quichihuase nochi tlen xitlahuac huan queja nopa oncas tlasehuilistli campa hueli.