Zaburi 85:2-10

²Umesamehe dhambi ya watu wako; umezisitiri dhambi zao zote. Selah

³Umeondoa ghadhabu yako yote; umeiacha hasira yako kali.

⁴Uturejeshe sisi, Ee Mungu wa wokovu wetu, na uikomeshe chuki yako juu yetu.

⁵Je! Utaendelea kuwa na hasira juu yetu milele? utadumisha hasira kizazi chote kijacho?

⁶Je, hautatuhuisha tena? Kisha watu wako watafurahia katika wewe.

⁷Utuoneshe sisi uaminifu wa agano lako, Yahwe, utupe sisi wokovu wako.

⁸Nitasikiliza yale Yahwe Mungu asemayo, maana yeye atafanya amani pamoja na watu wake, wafuasi wake waminifu. Lakini lazima wasirudi tena katika njia za kipumbavu.

⁹Hakika wokovu wake u karibu na wale wanao mwabudu yeye; kisha utukufu utabaki katika nchi yetu.

¹⁰Uaminifu wa agano na uaminifu vimekutana pamoja; haki na amani vimebusiana.