Pesalem 62:1-9

¹Aêŋoc katuc gêôŋ Anôtô ŋaŋêŋgeŋ gebe eŋ oc ênam aê sa.

²Eŋ taugeŋ kêtu ŋoc poclabu ma ŋoc gêjam-sawaga. Eŋ kêtu ŋoc laimôkê, tec oc jaku sa samucgeŋ atom.

³Amac samob aboa taôm sa api ŋac tageŋ abe aku eŋ tulu amboac tuŋ, taŋ kêôpac kwanaŋgeŋ naŋ, e êndêŋ ondocgeŋ.

⁴Êsêac taêŋ gêjam biŋ tageŋ tonec gebe têtiŋ eŋ aŋga nê lêpôŋ. Êsêac têntac gêwiŋ biŋdansaŋ. Aweŋsuŋ gêjam mec, mago nêŋ ŋalêlôm kêpuc boa.

⁵O ŋoc katuc, ôôŋ Anôtô ŋaŋêŋgeŋ gebe eŋ kêtu aê kakêŋ matoc ŋamôkê.

⁶Eŋ taugeŋ kêtu ŋoc poclabu ma ŋoc gêjam-sawaga. Eŋ kêtu ŋoc laimôkê, tec oc jaku sa atom.

⁷Anôtô kêtu ŋoc moasiŋ to waec ŋamôkê. Anôtô kêtu ŋoc poctêna, taŋ gaê lamu naŋ.

⁸O ŋoc lauac, taêm êka eŋ ŋapaŋ. Ansêwa nêm ŋalêlôm sa êndêŋ eŋ. Anôtô kêtu aêacnêŋ lamu.

⁹Ŋamalac ŋaôma latuŋi têtôm gêŋ ŋajaô-jaô, kasêga latuŋi têtôm gêŋ ŋanômê. Embe tanam dôŋ êsêac, oc dôŋ êmandi êsêac sa gebe samob ŋagaô kêlêlêc ŋajaô-jaô su.