Psalms 62:1-9

¹NEN i moleileilar ren Kot, me kotin jauaja ia.

²Pwe i eta ai paip, o jauaj pa i, o pere pa i, pwe i en jota luetala kokolata.

³Arai da komail kin majamajan ol ta men, pwen kamela, me rajon did panpanla o kel me pual pajaner?

⁴Re kin madamadaua duen ar pan kak kapupedi i, re kadek likam, re kin lokaia kajelel, a nan monion arail re kin lalaue. Jela.

⁵Nen i, kaporoporeki Kot, pwe i kapore pa i.

⁶I eta ai paip o jauaj pa i, o pere pa i, pwe i ender pupedi.

⁷Ai maur mi ren Kot, o ai linan, o ai paip, o ai kel; i kaporoporeki Kot.

⁸Komail aramaj akan karoj kaporoporeki i anjau karoj; kajanjale on i monion omail, Kot kapore patail. Jela.

⁹A aramaj akan jota meakot, o me lapalap akan pil kin japunala. Ni men tenok re kin kokoda, menda ma irail me toto.