Pesalem 135:1-7

¹Aleluja. Awem êôc Apômtaunê ŋaê. Amac taŋ ajam sakiŋ Apômtau naŋ, alanem eŋ.

²Amac taŋ akô Apômtaunê andulêlôm to akô aêacnêŋ Anôtônê andu ŋamalacluŋ naŋ,

³awem êôc Apômtau, gebe Apômtau eŋ ŋac gabêjam. Anam wê êpi ênê ŋaê gebe eŋ têtac kêsa laŋgwageŋ.

⁴Gebe Apômtau kêjaliŋ Jakob sa ma Israel kêtu ênê gêŋlênsêm.

⁵Biŋŋanô, aê galicgac, Apômtau eŋ ŋac kapôêŋ ma aêacnêŋ Anôtô kêlêlêc anôtôi samob su.

⁶Gêŋ samob, taŋ Apômtau têtac gêwiŋ aŋga undambê to nom ma aŋga gwêc to gêdimbobsêga samob naŋ, oc êŋgôm êtu tôŋ.

⁷Eŋ tec gêwê tao aŋga gwêcm kêpi gêmêŋ ma kêkêŋ ôsic kêsêp kom ŋalêlôm ma kêkôc mu su aŋga nom ŋakêclêsu.