Sam 135:1-7

¹Mi vahesia se Zihova! Gamu na Nana nabulu. Vahesia sa Pozana e Zihova.

²Gamu pu turu vahesia se Zihova pa korapa Nana Zelepade, koari na vasina hopedi pa korapa Nana vetu.

³Vahesia se Zihova, ura na leana si Asa, kera vahesia sa Pozana, ura na tataru na vatukana si Asa.

⁴Ura ele vizatia e Zihova se Zekopi pude Nana telena, meke sa butubutu Izireli si pude na Nana tinago.

⁵Ura gilania rau sapu nomana lavata se Zihova, meke ululu hola ni Sa sari kaiqa tamasa pule.

⁶Gua sapu qetu nia e Zihova si tavetia Sa, pa maṉauru meke pa pepeso; pa lamana, meke pa hubina sa lamana.

⁷Va vura mae i Sa sari na lei raneboṉi pa hukihukirina sa pepeso, vata evaṉi Sa sari na kapi pa raneboṉi, va vura mae ia Sa sa givusu pa keke lose vasina kopu nia Sa.