Kap 135:1-7

¹Yawe aŋkɨsini! Yawe dakon oman amɨn, ji mani aŋkɨsini.

²Ji Yawe da nagalgwan Piŋkop da yutnon omani aŋ, ji Yawe aŋkɨsini.

³Yawe uŋun tagɨsi, do Yawe aŋkɨsineŋ. Mani uŋun tagɨsisi, do kap yaŋek aŋkɨsini.

⁴Yawe da Jekop iyɨ do aŋawakgɨt. Israel uŋun Piŋkop iyɨ dakon amɨn kabɨ.

⁵Yawe uŋun mani wukwisi yaŋ nandɨsat. Amɨn Tagɨ da piŋkop toptopmɨ morap kɨsisi yapmaŋ mudosok.

⁶Yawe kwen kundukon, ae mɨktɨmon, ae tap kwenon, ae tap kagagwan, galaktokni yolek yo morap ak do nandɨsak uŋun asak.

⁷Uŋun da yaŋban gɨkwem noman toŋ, ae mal aŋek sɨkak mosok, ae yo morap yopyop yutnikon da mɨrɨm yopban kwaŋ.