Ol Provep 4:22-27

²²Neme naa agaa pagoa ratali rabu go agaame ne epe-rupa pirama pope pora mea gialia. Goa pua go agaa-me ne ora epe redepoya mapiraalia.

²³Epe koneme ne maredepo yatalo nena kone-para epaliare, ipa naaku-para yokoa epeade-rupa epea. Oroyalo nena pora pamuape page nena kone wasupa luabu waru maredepo yaawa pamuape.

²⁴Neme yaa agaa na-lo wae yaenu page ora gimape.

²⁵Neme inimini na-pi mo ne palide pora waru adoa go pora ratape.

²⁶Nena kone ora epe-rupa redepo yaaina nena pora epe-rupa adoa ratua pamuape.

²⁷Neme mo epe pora pamuaaridere na-kone rugulape. Dia-ga ne popoke-nane puala wala koya-nane epala napape. Goa pua neme wae yae luabu gimapena pora adoa ratape.