Ol Provep 27:20-25

²⁰Gore aa adaapu omalimi page pinawa. Mo aa tapa luabu mada narulatabalia. Go-rupa mada nipuna kone-para ia yae luabu mada napu kiritalia.

²¹Repena sulaame silipa golonu roa rakepeta. Go rupa mada go aa-re epe aa yade wae aa yade lo aba ademe. Epe aa yaliare nipuna bi minasaeme.

²²Gore neme epe kone nai aa puri palo tali-dare omolalo palia-rabu nipuna maeyae kone mada nagimalia.

²³Goa palia-ga nena mena sipsip-para meme mena luabu waru surubape.

²⁴Gore akolo ya? Nena mone-re ne raapu oro yalo mada nasapiti. Mo aa mudu pia king-na ruru page oroyalo mada napitimi.

²⁵Nena maapu-para ripu adaalu opalia-dare ponoa nena menanu nena mea sape. Goa pali rabu wala ripu kagaa opalia.