Ol Provep 24:29-34

²⁹Go page pa aa meda madaa neme abia nipuna wae yae abutalo pi nalape. Aba ni go aa-me waea pisa-da wala abutalo pi nalape.

³⁰Ni pora pamua epe kone naiwae kiaa rakepene aa medana e maapu pa mu adawa.

³¹Go maapu ripu wae-para itutu medaloma page opea. E-kepore aana-me pi yapare aba robapapepu lopisana.

³²Neme go maapu adoa kone adaapu mua ni makuae yae ora waru meawa.

³³Wae kiaa rakepene aame goa teme: Palainawa loa u ogeda pateme. Goa pua ki arota-para pagoa kiaa rakepea pimi.

³⁴Nimumi goa peme rabu oyae luabu aipapulu diayoa naraa onaa pirualimi. Go rabu nimuna oyae luabu paake ne aanumi mube nona palia.