Ol Provep 20:20-26

²⁰Aa medame agi aaraanu wae agaa teare go aa nipu ora omalia. Gore laba ribaane-para udinita-rupa mada palia.

²¹Aa medame agi aaraa lapo pa pirina nipuna moae luabu aba mealiare go oyae luabu epe-rupa mada nasalia.

²²Aa medame ne-para wae paliare neme nipuna wae-yae abi na-abulape. Dia Adaa Aa-me ne raba mealiaga nipu kone rulape. Goa paliri rabu nena kedaa luabu diayalia.

²³Aame oyae kabenalo ruma sua yaa agaa tere Adaa Aa-me go mada raaname naomea.

²⁴Adaa Aa-me pora luabu niaa go su-amaa pa piramona aba maredepoya saaya. Go pora-re aapara pea palo niaa akepua mada makualiama yae?

²⁵Adaa Aa nipu Gote opa kalape yaere kone aba maarekawa sape. Neme go opa kaloa aipapu te pare wala orope kone adaapu sali. Neme goa pali-dare nena bipa ne go mabebolaeyae.

²⁶Epe aa mudu king-mi waea peme onaana koso pagoa nimuna wae-yae adoa rumalia. Goa pua nimu keda waru katea.