Ol Provep 11:1-4

¹Adaa Aa nipuna i robo kabula riri peme aanuri oyae waea-rupa rumaawa oyae yolateme. Goa pea pare epea peme onaare raname omoa rumaape epe-rupa popenalo pea.

²Nimuna bi minasaeme aanuri yala waru poteme. Nimuna bi rabuaniaeme aanuri epe kone imi.

³Ora epe aanuri nimu epe pora ora rateme. Pare yaa agaa ne aanuri nimu yaa agaa adaapu teme rabu nimuna go yaa agaame wae yoto mea katea rabu nimu oyalimi.

⁴Epe mone oyae adapu salipare go oyaeme ne omali rabu mada naraba mealia. Go yapare neme epe kone sua epe pora ratu aali-dare ne go su-amaa page adaalupu pirua epe su page meali.