Numperis 12:5-16

⁵Mürin, ewe Samol mi Lapalap a feitiu lon eu ürekuchu, a ütä leasamalapen ewe imwenfel seni mangaku o körato Aaron me Miriam. Iwe, ir me ruoman ra feito.

⁶Iwe, a üreniir, “Oupwe aüseling ai kapas: Are mi wor eman soufos leimi, ngang ewe Samol mi Lapalap üpwe pwäri ngeni üsi lon künan, üpwe pwal kapas ngeni lon an tan.

⁷Nge esap iei usun ren nei ei chon angang Moses. Pun üa lükü ngeni nei aramasen Israel meinisin.

⁸Üa fos newenewen ngeni lon kapas mi fat, nge sap lon kapas monomon. Nge i a fen küna lapalapei. Pwota chök ousap niuokus le esita nei ei chon angang Moses?”

⁹Iwe, ewe Samol mi Lapalap a song ngeniir. Mürin a feila seniir.

¹⁰Nge lupwen ewe kuchu a wiitä seni ewe imw mangaku, nengeni, Miriam a üri rupun pwötür pwe inisin a pwechepwech usun snow. Iwe, Aaron a sap ngeni Miriam o küna pwe a üri rupun pwötür.

¹¹Mürin, Aaron a üreni Moses, “Ai samol, kose mochen kosap amwöchü äm tipis aia föri ngonuk lon äm miritingau.

¹²Kosap mwütätä pwe Miriam epwe wewe ngeni eman mi mäla, lupwen a uputiu, mi pweila esop fitukan.”

¹³Iwe, Moses a siö ngeni ewe Samol mi Lapalap, “Üa tüngor ngonuk ai Kot, kose mochen kopwe apöchöküla neminei.”

¹⁴Nge ewe Samol mi Lapalap a üreni Moses, “Ifa usun, are saman a atufa mesan, neminewe esap säw lon ükükün fisu rän? Epwe kaimwüla lükün ewe ia oua nonom ie lon ükükün fisu rän, mürin a tongeni liwinsefäl.”

¹⁵Iei mine Miriam a imwüla lükün ewe ia ra nonom ie lon ükükün fisu rän. Iwe, ekewe aramas resap sai tori Miriam a liwiniti lenier we.

¹⁶Iwe, mürin, ekewe aramas ra sai seni Haserot tori ewe fanüapön Paran o nonom ikenan.