NARONAA 22:3-13

³akũ swɛ̃̀ɛ kɛ̃̀ Mↄabunↄgu, vĩna ń kũ Isarailanↄ dasikɛ yãi.

⁴Akũ Mↄabunↄ pì Midiã gbɛ̃ zↄ̃kↄ̃nↄnɛ: Pari díkĩna ni pↄ́ kũ à likawáinↄ ble pínki lán zùu dì sɛ̃̀ só nà.

⁵Akũ Balaki gbɛ̃nↄ zĩ̀ Bɛↄ nɛ́ Balamua ari Peto, Yuflati sarɛ a bɛ bùsun. À pìńnɛ ò a sísi à su, ò pinɛ: Gbɛ̃ kenↄ bò Misila ò dàgula ò kátɛ ma sarɛ.

⁶N yã nna! Ǹ mↄ́ ǹ lɛ́ kɛńnɛmɛnɛ, zaakũ ń gbãna demala. Òdigↄ̃ dↄ̃ro ke mani le mà zĩ̀ bleḿma mà pɛ́ḿma bùsu dín gwɛɛ. Má dↄ̃ kũ gbɛ̃ kũ n sa mana ònɛ nigↄ̃ de arubarikade ũmɛ. Gbɛ̃ kũ n sa vãni ònɛ sↄ̃, anigↄ̃ de láaribona pↄ́ ũmɛ.

⁷Mↄabu kũ Midiã gbɛ̃ zↄ̃kↄ̃nↄ dà zɛ́n, ò màsokɛna gba kũ oni da Balamunɛ kũna. Kũ ò kà a kĩnaa, ò yã kũ Balaki ń zĩoo ònɛ.

⁸À pìńnɛ: À i la, mani yã kũ Dikiri ni omɛnɛ oárɛ. Akũ Mↄabu kínanɛ pìnↄ ì Balamu bɛa.

⁹Akũ Luda bò à sù Balamua à a là à pì: Dínↄn gbɛ̃ kũ ò kú kũnwo díkĩnanↄ ũu?

¹⁰À wèa à pì: Zipo nɛ́ Balaki, Mↄabunↄ kína mɛ́ à ń zĩma. Ò pì

¹¹gbɛ̃ kenↄ bò Misila ò dàgula. Akũ à pì mà su mà lɛ́ kɛńnɛarɛ de à le à zĩ̀ bleḿma à pɛ́ḿma.

¹²Akũ Luda pìnɛ: Ǹsun tɛ́ńyĩro. Ǹsun sa vãni ońnɛro, zaakũ ma arubarikaa dàńgu kↄ̀.

¹³Kũ Balamu fùtɛ kↄnkↄ, à pì Balaki kínanɛnↄnɛ: À tá á bùsun, zaakũ Dikiri gì mà tɛ́ái.