NARONAA 21:4-16

⁴Kũ ò fùtɛ Oru kpi pì kĩnaa, ò Isira Tɛ̃ra zɛ́ sɛ̀ de ò pã Ɛdↄmunↄ bùsuunɛ. Akũ ò fù mɛnaa zɛ́n

⁵ò Luda kũ Musao taari è ò pì: Bↄ́yãi a ó bↄ́tɛ Misila de ò gaga gbárannann? Pↄ́ble kunlo, í kunlo, o zã pↄ́ble gina dín.

⁶Akũ Dikiri mlɛ̃̀ pãsĩnↄ zĩ̀ḿma ò ń lɛlɛ, akũ ò gàga dasidasi.

⁷Gbɛ̃nↄ sù Musa kĩnaa ò pì: O durunna kɛ̀, zaakũ o Dikiri kũ mↄkↄ̃nwoo taari è. Ǹ kútɛ kɛnɛwɛrɛ de à ó kɛ̃kↄ̃a kũ mlɛ̃̀ dínↄ. Akũ à kútɛ kɛ̀nɛńnɛ.

⁸Dikiri pìnɛ: Ǹ mlɛ̃̀ pi ǹ loko lía ǹ pɛ́tɛ. Tó mlɛ̃̀ gbɛ̃ lɛ̀, tó à wɛ́ sɛ̀ à a gwà, ani aafia le.

⁹Akũ à mↄ̀gotɛ̃ pì mlɛ̃̀ ũ à lòko lía à pɛ̀tɛ. Tó mlɛ̃̀ gbɛ̃ lɛ̀ akũsↄ̃ à wɛ́ sɛ̀ à mↄ̀gotɛ̃ mlɛ̃̀ɛ pìi gwà, àdi aafia le.

¹⁰Isarailanↄ dà zɛ́n, akũ ò bùraa kàtɛ Obo.

¹¹Bona Obo ò gɛ̀ɛ ò bùraa kàtɛ Iyɛ'abarimu gbárannan Mↄabunↄ bùsu ifãboki kpa.

¹²Bona gwe ò gɛ̀ɛ ò bùraa kàtɛ Zeredi guvutɛn.

¹³Bona gwe ò bùraa kàtɛ Anↄ bara dire, gbáranna kũ à kú Amↄrinↄ bùsu lɛ́zɛkin. Anↄ pìmɛ Mↄabunↄ kũ Amↄrinↄ bùsunↄ lɛ́zɛki ũ.

¹⁴Abire yãin ò pì Dikiri zĩ̀katakada gũn: Waɛbu kũ à kú Sufa bùsun kũ Anↄ swa'ↄnɛnↄ

¹⁵kũ ń guvutɛ kũ ò tà ari Aranↄo Mↄabunↄ bùsu lɛ́zɛkin.

¹⁶Bona gwe dↄ ò gɛ̀ɛ Lↄ̀gↄ, gu kũ Dikiri pìn Musanɛ: Ǹ gbɛ̃nↄ kakara mà í kpáḿma.