Namba 25:1-10

¹Fuyanna Isalaela dodogadi, Akasiya nuꞌuna yai sa miyamiya tatau maꞌedi Mowabi wawahindi bena sa eno bili.

²Wawahin te Isalaela tataudi sa yogaidi be antalasam sa lau ginauli edi yaubada bwalabwaladi lisidi yai be ma afa haidadi sa kalahe, na edi yaubada bwalabwala sa fadebasaedi.

³Yo fede, Isalaela sa falau esegahi lawedi Mowabi dodogadi lisidi yai be edi yaubada bwalabwalana hesana Baꞌala-Peo sa fadebasae. Be Guyau ya manabala wananaha lisidi yai.

⁴Habahim Guyau, Mose ya faliba iyen, Dodoga tau foyafoyahidi kawakawa yagaladi u abidima u wunuidi be mahata tautau yai u toledi ai matagu, haba Yau egu manabala Isalaela lebedi yai E nuwatuhu afuledi.

⁵Mose Isalaela edi tau lau fakasa ya falibadi, iyen, Umi hesa - hesa emi tatau safalumadi sa falau esegahidi Baꞌala-Peo lisina yai mate au wunuidi.

⁶Lahaina yai Mose yo dodoga mahudoꞌidi Aba Fadebasaena Gwaꞌuna luhuluhu launa yai sa tantan. Yo fede Isalaela taumohona hesa, Midiyan waihinna ya foyahi leyama ana boga edi gwaꞌu yai sa ita.

⁷Fuyana tau antalasam Elon natuna Eliyesa natuna Finiyasi mate laulau te ya ita be oigogo ya lau afulen, na ya lau alahiya ya abi.

⁸Habahim taumohona ya lau watan ya lau ena gwaꞌu ganahewana yai, be ya difa dagi, be waihin ya gwali esegahi. Yo fede, iwala heyaheyayana Isalaela lisidi yai wa, ya fatautau.

⁹In moho dodoga ouꞌoulidi 24,000 haꞌa sa peꞌi.

¹⁰Na Guyau, Mose ya faliba iyen,