Nambas 25:1-10

¹Sauginemo Islael lavedi Sitimmo a miyamiya ba Islael oloolotodi Mowabi waiwaivinidi vaitedi tubuḡa a waiḡemoti yabayababe.

²Niga waiwaivinidi Islael oloolotodi a giugiuvaidi te maimaituwa Bal lisinemo a laulausewasewa bi a laulauduneye.

³Niga mainana Islael lavedi Mowabi vaitedi ai ḡemotidi bi Bal-Peo a laulauduneye. Taunana aubaina Bada nuwana i medi gulata lisidimo bi i waikalaḡosedi.

⁴Kamaina bi Bada, Mousis i giuwena gado, “Waibabada kwa natomedi kwai ḡemotidi bi suwalemo matagumo koi pekidi. Ḡome kaka nuwagu ya kena bi medi yà lautau.”

⁵Kamaina bi Mousis Islael waibabadidi i giuwedina gado, “Temi ḡemoḡemotaḡa emi dam nopodiḡa, mabai Bal-Peo taulauduneyena vaitedi ai ḡemotidi bi a laulauduneyena koi peki kovidi.”

⁶Mousis bi Islael lavedi ai nuwaboya bi palai Waiyawa mataetinemo a miyamiya te matedimo, Islael olotona Midian waivinina i waidoli saḡe ena palaimo.

⁷Ḡome Piniyas Eliyesa natuna, pilis Elon itana, mainana i kitakita ba i miya moito bolu i gose. Bi ena alaḡiya i vai,

⁸bi manunubina Islael olotona ena palaimo i sola saḡa, te alaḡiya i lubu bi oloto mawaivinina i tupawaikapudi te a peki. Niga mai kauwinemo kaka Islael lavedi sida i kwetikwetilina i kaisako.

⁹Bi geḡa te kaikana lava wapedi 24, tausand a peki.

¹⁰Ḡome Bada, Mousis i giuwena gado,